1222 1222 1222 1222
ਕਾਫ਼ੀਆ ਏ
ਰਦੀਫ਼ ਲੋਕ ਕਹਿੰਦੇ ਨੇ
ਮੁਹੱਬਤ ਹੋ ਗਈ ਉਸ ਨਾਲ ਸਬ ਏ ਲੋਕ ਕਹਿੰਦੇ ਨੇ।
ਉਹੀ ਇਹ ਗੱਲ ਸਮਝੇ ਨਾ ਜੋ ਸਾਰੇ ਲੋਕ ਕਹਿੰਦੇ ਨੇ।
ਹੋਇਆ ਕਿਸਮਤ 'ਚ ਆਪਣੀ ਤਾਂ ਬਣੋਗੇ ਵੀ ਤੁਸੀਂ ਮੇਰੇ,
ਨਹੀਂ ਕੁਝ ਰਾਬਤਾ ਸਾਰੇ ਇਹ ਚਾਹੇ ਲੋਕ ਕਹਿੰਦੇ ਨੇ।
ਤੁਹਾਡੀ ਖੂਬਸੂਰਤ ਜਿਹੀ ਨਜ਼ਰ ਸਾਡਾ ਚੁਰਾਵੇ ਦਿਲ।
ਬੜੇ ਮਾਸੂਮ ਹੋ ਕਿਉਂ ਸਾਰੇ ਮਿਲ ਕੇ ਲੋਕ ਕਹਿੰਦੇ ਨੇ।
ਚੁਰਾ ਕੇ ਦਿਲ ਤੁਸੀਂ ਮੇਰਾ, ਰਵਾਨਾ ਹੋ ਗਏ ਕੱਦ ਦੇ।
ਪਤਾ ਨਹੀਂ ਚੋਰ ਕਿਉਂ ਮੈਨੂੰ ਇਹ ਭੈੜੇ ਲੋਕ ਕਹਿੰਦੇ ਨੇ।
ਹੈ ਤੱਕਿਆ ਦੂਰ ਤੋਂ ਹੀ ਬਸ, ਮੈਂ ਤੈਨੂੰ ਹੈ ਅਜੇ ਤੱਕ ਤਾਂ
ਨ ਜਾਣੇ ਕਿਉਂ ਰਹੇ ਛੁਪ-ਛੁਪ ਕੇ ਮਿਲਦੇ ਲੋਕ ਕਹਿੰਦੇ ਨੇ।
ਭਰੋਸਾ ਮੇਰਾ ਕਿਸਮਤ 'ਤੇ, ਹੋਵੇਗਾ ਮੇਰਾ ਤੂੰ ਇਕ ਦਿਨ।
ਨਹੀਂ ਆਪਾਂ ਕਦੇ ਵੀ ਮਿਲ ਸਕਾਂਗੇ, ਲੋਕ ਕਹਿੰਦੇ ਨੇ।
ਜਮਾਨਾ ਕਹਿਦਾ ਬਸ ਗਮ ਪਿਆਰ ਵਿੱਚ ਹੀ ਹੈ ਸਦਾ ਮਿਲਦਾ।
ਕਰੀ ਜਾਂਦੇ ਫਿਕਰ ਕਿੱਦਾਂ ਸਹਾਂਗੇ ਲੋਕ ਕਹਿੰਦੇ ਨੇ।
ਮੈਂ ਬੇਸੁਧ ਹੋ ਕੇ ਘੁੰਮਦਾ ਰਹਿੰਦਾ ਹਾਂ ਹੁਣ ਯਾਦ ਵਿੱਚ ਤੇਰੀ।
ਪਤਾ ਨਈ 'ਗੀਤ' ਹੁਣ ਕੀ ਕੀ ਮਚਲਦੇ ਲੋਗ ਕਹਿੰਦੇ ਨੇ।
6.23pm 22 May 2024
No comments:
Post a Comment