2122 2122 212
ਕਾਫ਼ੀਆ: ਆ
ਰਦੀਫ਼: ਯਾਦ ਹੈ
ਤੇਰਾ ਮੇਰੇ ਕੋਲ ਆਉਣਾ ਯਾਦ ਹੈ।
ਤੇਰਾ ਸਿਰ ਤੇ ਮੇਰਾ ਸ਼ਾਨਾ ਯਾਦ ਹੈ।
ਗੱਲ ਜੋ ਵੀ ਮੈਂ ਕਹਾਂ ਮੰਨਣਾ ਤੇਰਾ,
ਫੇਰ ਨਖਰੇ ਵੀ ਦਿਖਾਉਣਾ ਯਾਦ ਹੈ।
ਪਿਆਰ ਸਾਡਾ ਚੜਿਆ ਜਦ ਪਰਵਾਨ ਸੀ,
ਲੋਕਾਂ ਦਾ ਗੱਲਾਂ ਬਣਾਉਣਾ ਯਾਦ ਹੈ।
ਜਿੱਥੇ ਬਚਪਨ ਸੀ ਬਿਤਾਇਆ ਖੇਡ ਕੇ,
ਅੱਜ ਵੀ ਉਹ ਘਰ ਪੁਰਾਣਾ ਯਾਦ ਹੈ।
ਕੁਝ ਨਰਮ ਪੱਥਰ, ਰੰਗੀਲੇ ਕੰਚ ਕੁਝ,
ਅੱਜ ਵੀ ਤੇਰਾ ਖ਼ਜ਼ਾਨਾ ਯਾਦ ਹੈ।
ਛੋਟੀ ਜਿਹੀ ਗੱਲ ਤੇ ਉਹ ਰੁੱਸਣਾ।
ਤੇ ਤੇਰਾ ਮੈਨੂੰ ਚਿੜ੍ਹਾਉਣਾ ਯਾਦ ਹੈ।
ਮਿਲਦੇ ਸਾਂ ਛੱਤ ਤੇ ਅਸੀਂ ਜਿਹੜੀ ਜਗਹ।
"ਗੀਤ" ਤੇਰਾ ਓਹ ਠਿਕਾਣਾ ਯਾਦ ਹੈ।
5.44pm 6 June 2025
2122 2122 212
ਇਸ ਬਹਰ ਤੇ ਕੁਝ ਫਿਲਮੀ ਗੀਤ
ਆਪਕੇ ਪਹਿਲੂ ਮੈਂ ਆਕਰ ਰੋ ਦੀਏ
ਦਿਲ ਕੇ ਅਰਮਾ ਆਸੂਔਂ ਮੇਂ ਬਹਿ ਗਏ
ਤੁਮ ਨ ਜਾਨੇ ਕਿਸ ਜਹਾਂ ਮੇਂ ਖੋ ਗਏ

2 comments:
Liked
Very nice ji 👌
Post a Comment