Hindi version 3308
English version 3310
ਬਹਿਰ: 1222 1222 1222 1222
ਕਾਫ਼ੀਆ: ਆਉਂਦੀ
ਰਦੀਫ਼:ਏ ਜਦ ਸ਼ਾਮ ਢਲਦੀ ਹੈ
ਤੈਨੂੰ ਕੀ ਯਾਦ ਮੇਰੀ ਆਉਂਦੀ ਏ ਜਦ ਸ਼ਾਮ ਢਲਦੀ ਹੈ।
ਕਸਕ ਤੜਪਾ ਕੇ ਦਿਲ ਨੂੰ ਜਾਂਉਂਦੀ ਏ ਜਦ ਸ਼ਾਮ ਢਲਦੀ ਹੈ।
ਇਕੱਲੇ ਸ਼ਾਮ ਨੂੰ ਜਦ ਯਾਦ ਤੇਰੀ ਘੇਰ ਲੈਂਦੀ ਏ,
ਜਲਨ ਦਿਲ ਦੀ ਮੇਰੇ ਵਧ ਜਾਉਂਦੀ ਏ ਜਦ ਸ਼ਾਮ ਢਲਦੀ ਹੈ।
ਸਫ਼ਰ ਇਹ ਮੁਸ਼ਕਲਾਂ ਦੇ ਨਾਲ ਭਰਿਆ ਪਾਰ ਕਰ ਲੈਣਾ।
ਸਿਤਮ ਇਹ ਜਿੰਦ ਚਾਹੇ ਢਾਉਂਦੀ ਏ ਜਦ ਸ਼ਾਮ ਢਲਦੀ ਏ।
ਕਿਸੇ ਨੇ ਤੋੜ ਦਿੱਤਾ ਦਿਲ ਕਦੇ ਗੱਲਾਂ 'ਚ ਮੇਰਾ ਏ,
ਉਹ ਇੱਕ ਇੱਕ ਗੱਲ ਮੈਨੂੰ ਖਾਉਂਦੀ ਏ ਜਦ ਸ਼ਾਮ ਢਲਦੀ ਹੈ।
ਤੇਰੇ ਏ ਮਖਮਲੀ ਗੈਸੂ ਜਦੋਂ ਉੱਡਦੇ ਹਵਾ ਦੇ ਨਾਲ,
ਲਗੇ ਇੱਦਾਂ ਚੁਨਰ ਲਹਿਰਾਉਂਦੀ ਏ ਜਦ ਸ਼ਾਮ ਢਲਦੀ ਹੈ।
ਜਦੋਂ ਤੂੰ ਦੂਰ ਹੋਇਆ ਪਿਆਰ ਵਿੱਚ ਇਹ ਯਾਦ ਏ ਤਨਹਾਈ।
ਕੀ ਤੈਨੂੰ ਹੈ ਪਤਾ ਤੜਪਾਉਂਦੀ ਏ ਜਦ ਸ਼ਾਮ ਢਲਦੀ ਹੈ।
ਕਦੇ ਜਦ ਯਾਦ ਆਵੇ ਵੇਲੇ ਦੀ ਜਦ ਸੀ ਮਿਲੇ ਆਪਾਂ।
ਉਹ ਦਿਨ ਦੀ ਯਾਦ ਮੈਨੂੰ ਭਾਉਂਦੀ ਏ ਜਦ ਸ਼ਾਮ ਢਲਦੀ ਹੈ।
ਉਹ ਯਾਦਾਂ ਰੇਸ਼ਮੀ ਸਿਰਹਾਣੇ ਰੱਖ ਕੇ ਸੌਂ ਮੈਂ ਜਾਂਦਾ ਹਾਂ,
ਕੋਈ ਫਿਰ 'ਗੀਤ' ਕੋਇਲ ਗਾਉਂਦੀ ਏ ਜਦ ਸ਼ਾਮ ਢਲਦੀ ਹੈ।
2.27pm 2 Dec 2025
No comments:
Post a Comment