ਪਹਿਲਾਂ ਜਦੋਂ ਵੀ ਆਉਂਦਾ ਸੀ ਡਾਕੀਆ।
ਚਿੱਠੀ ਆਪਣੇ ਨਾਲ ਲਿਆਉਂਦਾ ਸੀ ਡਾਕੀਆ।
ਕਿੰਨਾ ਰਹਿੰਦਾ ਸੀ ਇੰਤਜ਼ਾਰ ਉਹਦਾ।
ਭਾਵੇਂ ਦੋ ਵਾਰੀ ਆਉਂਦਾ ਸੀ ਡਾਕੀਆ।
ਦੇ ਜਾਂਦਾ ਚਿੱਠੀ ਤਾਂ ਗੱਲ ਸੀ ਚੰਗੀ।
ਨਹੀਂ ਤਾਂ ਡਾਂਟ ਵੀ ਖਾਂਦਾ ਸੀ ਡਾਕੀਆ।
ਵੱਡੀ ਅਹਿਮੀਅਤ ਸੀ ਉਹਦੀ ਓਦੋਂ।
ਚਿੱਠੀ ਦੇ ਕੇ ਸਕੂਨ ਦੇ ਜਾਂਦਾ ਸੀ ਡਾਕੀਆ।
ਦਿਲ ਵਾਲਿਆਂ ਦੀਆਂ ਧੜਕਣਾਂ ਰੁਕ ਜਾਂਦੀਆਂ ਸਨ।
ਜਦੋਂ ਨਜ਼ਰ ਆਉਂਦਾ ਸੀ ਡਾਕੀਆ।
ਆ ਗਿਆ ਹੁਣ ਸੋਸ਼ਲ ਮੀਡੀਆ ਦਾ ਜ਼ਮਾਨਾ।
ਹੁਣ ਕਿੱਥੇ ਨਜ਼ਰ ਆਉਂਦਾ ਹੈ ਡਾਕੀਆ।
ਚਿੱਠੀਆਂ ਦਾ ਦੌਰ ਹੁਣ ਮੁੱਕ ਗਿਆ ਏ।
ਹੁਣ ਬਸ ਪਾਰਸਲ ਹੀ ਲਿਆਉਂਦਾ ਹੈ ਡਾਕੀਆ।
ਮੈਸੇਜ ਤੇ ਈਮੇਲ ਨੇ ਲੈ ਲਈ ਥਾਂ ਉਹਦੀ।
ਹੁਣ ਕਿੱਥੇ ਧੜਕਣ ਵਧਾਉਂਦਾ ਹੈ ਡਾਕੀਆ।
1.02pm 11 June 2026
No comments:
Post a Comment