2122 2122 2122 22
ਤੂੰ ਬਣਾ ਮੈਨੂੰ ਮਿਲਣ ਦਾ ਲੈ ਬਹਾਨਾ ਕੋਈ,
ਮਿਲ ਕੇ ਫਿਰ ਛੇੜਾਂਗੇ ਇੱਕ ਵਾਰੀ ਤਰਾਨਾ ਕੋਈ।
ਨਾਲ ਤੇਰੇ ਲੱਗੇ ਦੁਨੀਆ ਮੇਰੀ ਜੰਨਤ ਵਰਗੀ,
ਜਦ ਤੋਂ ਵਿੱਛੜੇ ਨਾ ਰਿਹਾ ਮੇਰਾ ਠਿਕਾਣਾ ਕੋਈ।
ਮੌਤ ਵਰਗਾ ਦੁੱਖ ਮਿਲਿਆ ਜਾਣ ਪਿੱਛੋਂ ਤੇਰੇ,
ਸਾਥੋਂ ਪੁੱਛੇ ਹੁੰਦਾ ਕੀ ਹੈ ਦਿਲ ਲਗਾਣਾ ਕੋਈ।
ਨੇੜੇ ਸੀ ਜਦ ਤੂੰ ਤਾਂ ਜੰਨਤ ਸੀ ਇਹ ਦੁਨੀਆ ਮੇਰੀ,
ਚਾਹੁੰਦਾ ਹਾਂ ਮੁੜ ਕੇ ਲਿਆਵੇ ਓਹ ਜਮਾਨਾ ਕੋਈ।
ਬਣ ਗਿਆ ਸੀਨੇ ਮੇਰੇ ਅੰਦਰ ਸੀ ਓ ਕੰਡਾ ਬਣ ਕੇ,
ਐਨਾ ਵੀ ਆਸਾਨ ਨਹੀਂ ਉਸਨੂੰ ਭੁਲਾਣਾ ਕੋਈ।
ਹੋ ਗਈ ਜਿੰਦੜੀ ਇਹ ਗੁਮਸੁਮ ਗਿਆ ਜਦ ਤੂੰ ਸੀ।
ਯਾਰ ਮੈਨੂੰ ਵੀ ਸਿਖਾਵੇ ਚਹਚਹਾਣਾ ਕੋਈ।
ਥੱਕ ਗਿਆ ਹਾਂ ਜ਼ਿੰਦਗੀ ਵੀਰਾਨ ਜਿਹੀ ਜੀ ਕੇ।
"ਗੀਤ" ਮਿਲ ਜਾਵੇ ਕਿਤੇ ਫਿਰ ਦਿਨ ਪੁਰਾਣਾ ਕੋਈ।
5.49pm 16 April 2026
No comments:
Post a Comment