221 1222 221 1222
ਕਾਫੀਆ ਆ
ਰਦੀਫ਼ ਦੈਂਦਾ
ਜਦ ਵੇਖ ਕੇ ਓ ਮੈਨੂੰ, ਨਜ਼ਰਾਂ ਹੈ ਝੁਕਾ ਦੈਂਦਾ।
ਤਾਂ ਸੁੱਤੇ ਕਈ ਮੇਰੇ, ਅਰਮਾਨ ਜਗਾ ਦੈਂਦਾ।
ਤੜਪਾਂਦਾ ਏ ਇੰਨਾ ਓ ਯਾਦਾਂ 'ਚ ਖ਼ਵਾਬਾਂ ਵਿੱਚ।
ਤਨਹਾਈ ਦੇ ਵਿੱਚ ਮੈਨੂੰ, ਓਹ ਰੋਜ਼ ਰੁਲਾ ਦੈਂਦਾ।
ਪਲ ਭਰ ਨੂੰ ਵੀ ਕੀਤਾ ਜੇ, ਤੂੰ ਪਿਆਰ ਕਦੇ ਹੁੰਦਾ।
ਤਾਂ ਜ਼ਿੰਦਗੀ ਮੈਂ ਸਾਰੀ ਯਾਦਾਂ 'ਚ ਬਿਤਾ ਦੈਂਦਾ।
ਮਿਲ ਜਾਂਦੀ ਨਜ਼ਰ ਤੇਰੀ ਜੇ ਮੇਰੀ ਨਜ਼ਰ ਦੇ ਨਾਲ।
ਜਾਦੂ ਮੈਂ ਚਲਾ ਤੈਨੂੰ ਆਪਣਾ ਹੀ ਬਣਾ ਦੈਂਦਾ।
ਤੂੰ ਰੁੱਸ ਕਦੇ ਜਾਂਦੀ ਜੇ ਪਿਆਰ ਦੇ ਲਮ੍ਹਿਆਂ ਵਿੱਚ।
ਗੱਲ ਪਿਆਰ ਦੀ ਇੱਕ ਕਰਕੇ ਤੈਨੂੰ ਮੈਂ ਹੰਸਾ ਦੈਂਦਾ।
ਜੇ “ਗੀਤ” ਅਸਰ ਹੁੰਦਾ ਚਾਹਤ ਦਾ ਤੇਰੇ ਉੱਤੇ।
ਹੌਲੀ ਜਿਹੀ ਮੈਂ ਤੈਨੂੰ ਫਿਰ ਪਿਆਰ ਸਿਖਾ ਦੈਂਦਾ।
1.26pm 5 April 2026
Ham tumse juda hoke
Mar jaenge ro ro ke
No comments:
Post a Comment