2212 2212 2212 2212
ਕਾਫ਼ੀਆ ਏਗਾ
ਰਦੀਫ਼ ਕੌਣ
ਟੁੱਟਾ ਏ ਦਿਲ ਧੋਖੇ ਦੇ ਵਿੱਚ, ਹਾਲਤ ਮੇਰੀ ਜਾਣੇਗਾ ਕੌਣ।
ਹੈ ਬੇਵਫ਼ਾ ਓਹ ਚਾਹੇ ਪਰ,, ਉਸ ਨੂੰ ਮਗਰ ਬੋਲੇਗਾ ਕੌਣ।
ਫੁੱਲ ਕਿਉਂ ਮੇਰੇ ਖਿੱਲਣ ਤੋਂ, ਪਹਿਲਾਂ ਹੀ ਸੀ ਨੇ ਕੁਮਲ੍ਹਾ ਗਏ,
ਸੁੰਨੇ ਮੇਰੇ ਬਾਗਾਂ ਦੇ ਵਿੱਚ, ਖੇਡਣ ਨੂੰ ਹੁਣ ਆਵੇਗਾ ਕੌਣ।
ਉਹ ਆਈ ਤਾਂ ਸੀ ਜਿੰਦਗੀ ਵਿੱਚ, ਕੀ ਆਖਦਾ ਉਸ ਵੇਲੇ ਮੈਂ,
ਮੁਰਝਾਏ ਹੋਏ ਚਿਹਰਿਆਂ ਨੂੰ, ਨਾਲ ਹੁਣ, ਰੱਖੇਗਾ ਕੌਣ।
ਉਸ ਗੱਲ ਕਹੀ, ਸੁਣ ਨਾ ਸਕਾ, ਟੁੱਟਿਆ ਏ ਦਿਲ, ਬਿੱਖਰ ਗਿਆ,
ਖਾਮੋਸ਼ੀ ਹੁਣ ਲਬ ਤੇ ਲਗੀ, ਅੰਦਰ ਦੀ ਗੱਲ ਬੋਲੇਗਾ ਕੌਣ।
ਏਸਾ ਸਮਾਂ ਆਇਆ ਏ ਹੁਣ, ਟੁੱਟੇ ਜਿਹੇ ਲੱਗਣ ਸਬੇ,
ਟੁੱਟੇ ਸਬੇ, ਬਿਖਰੇ ਸਬੇ, ਇਨ੍ਹਾਂ ਨੂੰ ਹੁਣ ਜੋੜੇਗਾ ਕੌਣ।
ਖਿੜ ਜਾਵੇ ਹਰ ਦਿਲ ਸਭ ਦਾ ਇਥੇ, ਆਓ ਸਬੇ ਮਿਲ ਬੈਠੀਏ,
ਸਭ ਦਾ ਹੋਵੇ, ਸਰਬਤ ਭਲਾ,ਇਸ ਗੱਲ ਨੂੰ ਹੁਣ ਸੋਚੇਗਾ ਕੌਣ।
ਮੌਸਮ ਰਹੇ ਹੁਣ ਪਿਆਰ ਦਾ, ਸੁੱਖ ਦੀ ਫ਼ਸਲ ਹਰਦਮ ਫਲੇ,
ਸਭ ਚਾਹੁੰਦੇ ਵਸਦੇ ਰਹੋ, ਪਰ ਇਹ ਕਦਮ ਚੁੱਕੇਗਾ ਕੌਣ।
ਚਲ 'ਗੀਤ' ਹੁਣ ਲੈ ਫੈਸਲਾ, ਹਲ ਚੱਕ ਲੈ ਹੁਣ ਜੋਤਣ ਲਈ,
ਹੁਣ ਪਿਆਰ ਦੇ ਇਸ ਬੀਜ ਨੂੰ, ਵੇਖੀਏ ਤਾਂ ਬੀਜੇਗਾ ਕੌਣ।
1.16pm 13 April 2025
No comments:
Post a Comment