ਬਹਰ: 122 122 122 12
ਕਾਫ਼ੀਆ: ਆ
ਰਦੀਫ਼: ਮਜ਼ਾ ਆ ਗਿਆ
ਜੋ ਚਾਹਿਆ ਉਹੀ ਪਾ ਮਜ਼ਾ ਆ ਗਿਆ।
ਰਿਹਾ ਚਾਹੇ ਕੱਲਾ ਮਜ਼ਾ ਆ ਗਿਆ।
ਮੈਂ ਵੇਖੇ ਮੁਕੱਦਰ 'ਚ ਉਡਦੇ ਬੜੇ।
ਰਿਹਾ ਮੈਂ ਧਰਤ ਦਾ ਮਜ਼ਾ ਆ ਗਿਆ।
ਬੜੀ ਸੁੰਨੀ ਸੀ ਜਿੰਦਗੀ ਤਾਂ ਮੇਰੀ,
ਜਦੋਂ ਤੈਨੂੰ ਮਿਲਿਆ ਮਜ਼ਾ ਆ ਗਿਆ।
ਕਿਤੋਂ ਗੁਜ਼ਰਿਆ ਤੇ ਕਿਤੇ ਰੁੱਕ ਗਿਆ,
ਨਹੀਂ ਪਰ ਬਿਖਰਿਆ ਮਜ਼ਾ ਆ ਗਿਆ।
ਕੋਈ ਕੁਝ ਵੀ ਸਮਝੇ, ਕੋਈ ਕੁਝ ਕਹੇ,
ਮੈਂ ਕੁਝ ਬੋਲਿਆ ਨਾ ਮਜ਼ਾ ਆ ਗਿਆ।
ਜ਼ਮਾਨੇ ਨੇ ਚਾਹਿਆ ਬਿਖਰ ਜਾਵਾਂ ਮੈਂ
ਮੈਂ ਪਰ ਸੀ ਸੰਵਰਿਆ ਮਜ਼ਾ ਆ ਗਿਆ।
5.44pm 25 Jan 2025
1 comment:
Super 🌹🌹🌹
Post a Comment