2122 2122 2122 212,
ਕਾਫ਼ੀਆ : ਆਰੀ
ਰਦੀਫ਼: ਚੀਜ਼ ਵੇਖਣ ਵਾਲੀ ਹੈ
ਮੰਨਿਆ ਉਸਦੀ ਹੋਸ਼ਿਆਰੀ ਚੀਜ਼ ਵੇਖਣ ਵਾਲੀ ਹੈ।
ਪਰ ਹਜੇ ਇਮਾਨਦਾਰੀ ਚੀਜ਼ ਵੇਖਣ ਵਾਲੀ ਹੈ।
ਕਹੀਏ ਕੀ ਉਸਦਾ ਹੁਸਨ ਤੇ ਕਹੀਏ ਕੀ ਉਸਦਾ ਦਿਮਾਗ,
ਉਹ ਤਾਂ ਸਾਰੀ ਦੀ ਹੀ ਸਾਰੀ ਚੀਜ਼ ਵੇਖਣ ਵਾਲੀ ਹੈ।
ਵੇਖ ਕੇ ਉਸ ਦੀ ਲਗਨ ਤੇ ਕੰਮ ਕਾਇਲ ਹੋ ਗਿਆ।
ਜੋ ਅਜੇ ਤੱਕ ਵੀ ਏ ਜਾਰੀ ਚੀਜ਼ ਵੇਖਣ ਵਾਲੀ ਹੈ।
ਜਿਸਨੇ ਨਾ ਵੇਖੀ ਏ ਦੁਨੀਆ, ਕੰਮ ਵੀ ਨਾ ਜਾਣਦਾ।
ਉਹਨੇ ਲੈ ਲਈ ਜਿੰਮੇਵਾਰੀ ਚੀਜ਼ ਵੇਖਣ ਵਾਲੀ ਹੈ।
ਜਦ ਮਰੋੜਾ ਪਾ ਕੇ ਆਪਣੇ ਮੂੰਹ ਚ ਪਾਵੇ ਕੋਨਾ ਉਹ।
ਉਸ ਦੁਪੱਟੇ ਦੀ ਕਿਨਾਰੀ ਚੀਜ਼ ਵੇਖਣ ਵਾਲੀ ਹੈ।
ਪਿਆਰ ਦੀ ਉਸਦੇ ਤੜਪ ਜਦ, ਉਠਦੀ ਮੇਰੇ ਸੀਨੇ ਵਿੱਚ।
ਕਿੱਦਾਂ ਗੁਜ਼ਰਨ ਦਿਨ ਓ ਭਾਰੀ ਚੀਜ਼ ਵੇਖਣ ਵਾਲੀ ਹੈ।
ਪਲ ਗੁਜ਼ਾਰਾਂ ਕਿੱਦਾਂ ਮੈਂ ਹੁਣ ਟੀਸ ਉੱਠਦੀ ਸੀਨੇ ਵਿੱਚ।
ਉਸ ਨੂੰ ਮੰਗਾ ਬਣ ਭਿਖਾਰੀ ਚੀਜ਼ ਵੇਖਣ ਵਾਲੀ ਹੈ।
ਖੇਡ ਵਿਚ ਓ ਸੀ ਸਿਕੰਦਰ, ਕੋਈ ਸਕਿਆ ਜਿੱਤ ਨਾ,
'ਗੀਤ' ਕਿਉਂ ਉਹ ਬਾਜ਼ੀ ਹਾਰੀ ਚੀਜ਼ ਵੇਖਣ ਵਾਲੀ ਹੈ।
1.52pm 10 may 2025
No comments:
Post a Comment